Шәкәрім университетінің ProfUnit мобильді тобы 11-сынып оқушыларына кәсіби бағдар беру туралы түсіндіру жұмыстарын жүргізілді.

2022 жылдың 5 қазан күні Шәкәрім университетінің ProfUnit мобильді тобының жетекшісі Қайырбекова Айжан Тұрсынхановна және топ мүшелерімен мектеп оқышыларына Бекқасымов Асқар Қонысбекұлының жетекшілігімен кәсіби бағдар беру туралы түсіндіру жұмыстары жүргізілді.
Мектептегі кәсіптік бағдар беру жұмысының негізгі міндеттері төмендегідей болды:
— оқушыларды көпшілік мамандықтар туралы түсінікпен қаруландыру;
— кәсіптік қызығуы мен бейімділігін, қабілеттілігін қалыптастыру;
— мектеп бітірушілерге мамандық таңдауға көмектесу;
— оқушыларды белгілі мамандықтың түрін меңгеруге бейімдеу.
Кәсіби бағдар беру арқылы оқушыларды мамандықтар әлемінде, олардың мазмұны, ерекшеліктері, жеке тұлғаға қоятын талаптарын өз бойындағы қасиеттерімен ұштастырып, өндіріс, шаруашылық салаларының даму міндеттеріне, оның нарықтық экономика жағдайындағы рөліне сай саналы таңдалып алынған мамандыққа мүдделілігін тәрбиелеуді қажет ететіндігі және мамандықты саналы таңдауда адамның қабілеттілігінің қалыптасуының да үлкен маңызы бар екендігі баяндалды.