XX «Зерде» республикалық 2-7 сынып оқушылары арасында зерттеу жобалары мен шығармашылық жұмыстары конкурсының қоғамдық-гуманитарлық бағыты бойынша қорытынды кезеңі өтті.

2025 жылғы 20-22 ақпан аралығында Қазақстан Республикасы оқу-ағарту министрлігі «Дарын» республикалық ғылыми-практикалық орталығының ұйымдастыруымен Ақмола облысының Шучье қаласында XX «Зерде» республикалық 2-7 сынып оқушылары арасында зерттеу жобалары мен шығармашылық жұмыстары конкурсының қоғамдық-гуманитарлық бағыты бойынша қорытынды кезеңі өтті.
Байқауға 400-ге жуық оқушы қатысты. Конкурс қорытындысы бойынша Абай облысынан барған 20 оқушының ішінен «Шәкәрім атындағы көпбейінді гимназиясы» КММ-нің 7 «Ә» сынып оқушылары Ясинова Рамина мен Толеуконыров Расул тарих, өлкетану секциясы бойынша «Құпия сырға толы өлке ханшайымдары» тақырыбында өз зерттеу жұмыстарын қорғап, жүлделі ІІ орынды иеленді. Жетекшісі тарих пәні мұғалімі, педагог-зерттеуші Жумабекова Гульмира Бектемировна.