«Жаңартылған білім беру бағдарламасы-білім берудегі жаңа мазмұн» тақырыбында әдістемелік семинар өтті
18 қараша 2021 жылы Әлихан Бөкейхан Университетінде дуалды оқыту жүйесін жүзеге асыру аясында «Жаңартылған білім беру бағдарламасы-білім берудегі жаңа мазмұн» тақырыбында әдістемелік семинар өтті.
Семинарға Шәкәрім атаындағы үш тілде оқытатын көпбейінді гимназияның ұстаздары- Мұқанова Нұргүл Құлжағазықызы, директордың бейіндік оқыту бойынша орынбасары, педагог -мастер; Сексенбаева Сауле Кенжегалиевна- бастауыш сынып мұғалімі, педагог-мастер;Жүндібаева Риза Қанапияқызы, жоғары санатты бастауыш сынып мұғалімі қатысты.
Іс –шарада университеттің болашақ педагог мамандарды даярлау ісін жетілдіру бағдарламасына сәйкес, мектептің практик мұғалімдері өздерінің іс-тәжірибелерімен бөлісті.Жаңартылған білім берудің маңыздылығын,, оқушы тұлғасының үйлесімді қолайлы білім беру ортасын құра отырып, сын тұрғысынан ойлау, зерттеу жұмыстарын жүргізу, тәжірибе жасау, АҚТ –ны қолдану, коммуникативті қарым-қатынасқа түсу, жеке, жұппен, топта жұмыс жасай білу, функционалды сауаттылықты, шығармашылықты қолдана білуді және оны тиімді жүзеге асыру үшін қажетті тиімді оқыту әдіс-тәсілдерді оңтайлы қолдану туралы болашақ мамандармен,университет оқытушыларымен дәріс өткізді. Болашақ жас мамандарды оқыту үрдісіне тарту, білім беру мекемелерімен әріптестік, ынтымақтастық байланыс орнату жоспарлары бойынша семинар жұмысы жоғары дәрежеде өтті.