Оқуға құштар мектеп – оқуға құштар ұлт" республикалық жоба аясында Мұхтар Омарханұлы Әуезовтің туғанына 125 жыл толуына орай «Көксерек» әңгімесіне әдеби вернисаж өтті.

Оқуға құштар мектеп – оқуға құштар ұлт" республикалық жоба аясында Шәкәрім атындағы үш тілде оқытатын көпбейінді гимназияның 7 «В» сынып оқушыларымен сынып жетекшісі Кармысова Зауреш Окметкановна және мектеп кітапханашыларының қатысуымен Мұхтар Омарханұлы Әуезовтің туғанына 125 жыл толуына орай «Көксерек» әңгімесіне  әдеби вернисаж өтті.
«Көксерек» — адам мен табиғат арасындағы байланысты көрсететін шығарма. Бұл әңгіме 1929 жылы жазылған. Автор шағын көлемге мол мағына сыйдырған. Адам қолында өскен, бірақ адамға қиянат еткен, оның ет-бауырын езіп, жара салған көкжал сол адам қолынан өлім тапты. Образды ой символдық ойға, әуенді сарын үлкен идеяға ұласып, сахара топырағындағы шындықты қанық бояу, айқын колоритпен бейнелеген «Көксерек» бір әдебиет шеңберінен биіктеп көтеріліп, әлемдік жауһарлар қатарына қосылған. «Көксерек» тұңғыш рет «Жаңа әдебиет» журналында жарияланды (1929, №2-3). Шығарма бойынша «Көксерек» фильмі түсірілді, қазақ, неміс, орыс тілдерінде спектакльдер қойылды.