VIP гран-при жеңісі!

Өнердің биік белесі: VIP Гран-при жеңісі!

Өнер — шекара білмейтін құдіретті күш. Семей қаласында өткен «ZHANGYRU» халықаралық байқау-фестивалінде “Шәкәрім атындағы көпбейінді №5 гимназиясының” өнерпаздары зор табысқа жетті. Олардың орындауындағы қасықпен көрсеткен ерекше номер «Смуглянка» шығармасы қазылар алқасының жоғары бағасын алып, байқаудың ең мәртебелі марапаты — «VIP GRAND PRIX» иегері атанды.
Бұл жеңіс — ұзақ дайындық пен кәсіби шеберліктің жемісі. Ансамбльдің аспапта ойнау шеберлігі мен сахналық мәдениеті жоғары деңгейде болғанын осы марапат айқын дәлелдейді. Әсіресе, педагог-жетекші Жүнісбекова Жанерке Жүнісбекқызының еңбегін ерекше атап өткен жөн. Ұстаздың шәкірт бойындағы талантты ұштай білуі және дұрыс бағыт беруі осындай халықаралық деңгейдегі жеңіске жол ашты.
Қорыта айтқанда, Шәкәрім атындағы гимназия ұжымының бұл жетістігі — мектеп үшін ғана емес, бүкіл қала өнері үшін үлкен мақтаныш. «VIP Гран-при» белесін бағындырған жас таланттардың алдағы уақытта бұдан да үлкен сахналарды бағындыратынына кәміл сенеміз.