Р.Мәуіт өзінің іс-сапары барысында Семей қаласы «Шәкәрім атындағы көпбейінді №5 гимназия» базасында оқыту семинарын жүргізді

2024 жылы 12 ақпан күні «ZERDELI» ақыл-ой дамыту мектебі»  ЖШС-нің директоры, осы мектептің  негізін қалаушы, математик,  ҚР Білім беру  бойынша үздік педагогы Рысбек Мәуіт мырза мен Абай облысының Білім басқармасы арасында өзара ынтымақтастық туралы меморандумға қол қойылды. 

Р.Мәуіт өзінің іс-сапары барысында Семей қаласы «Шәкәрім атындағы көпбейінді №5 гимназия» базасында оқыту семинарын жүргізді. Педагогика саласы бойынша үздік математик Рысбек Мәуіт мырзаның семинарына Абай облысы Семей қаласы бойынша 100-ден астам мұғалімдер қатысты. Семинар барысында комбинаторика және логикалық есептер талқыланды.  Рысбек мырза мұғалімдерге олимпиадалық және логикалық сұрақтар қойып, шешімі ұстаздар арасында талқыланды. 

       Кездесу барысында Рысбек Мәуліт  бірнеше  Зерделі оқулықтарының авторы екендігін айтып өтті,  бұл оқулықтар мазмұнында теориядан гөрі практикаға назар аударылатындығы  айтылды. Білім жүйесін болашағын дамытуға арналған «білімді брендке» айналдыру идеясын қолдап, ағарту жүйесін жүйелі жалғастыра отырып, бастауыш сынып ұстаздарына  арналған «Алтын тұғыр» олимпиадасы, 3-6 сынып білім алушыларына  арналған «Алтын сақа», «Алтын түлек» олимпиадаларының  қалалық кезеңі, одан кейін облыстық кезеңі өткізілетіндігі жайлы айтты. Семинар соңында арқарылып жатқан жұмыстары жайлы, жоба туралы толығырақ айтып, жарық көрген кітаптармен таныстырылды. Кездесу жоғары деңгейде өтті.