2025 жылдың 25 тамызында Семей қаласының мәдениет сарайында “Білім келешегі: адал азамат, кәсіби маман” тақырыбында педагогтердің дәстүрлі тамыз конференциясының пленарлық отырысы өтті.

2025 жылдың 25 тамызында Семей қаласының мәдениет сарайында “Білім келешегі: адал азамат, кәсіби маман” тақырыбында педагогтердің дәстүрлі тамыз конференциясының пленарлық отырысы өтті. Жиын барысында Қазақстан Республикасының Оқу-ағарту министрлігі тарапынан республикамыздың «Үздік 100 мектептерінің» қатарына енген қаламыздың 3 мектебі аталып, қалалық білім бөлімі оларға түрлі түсті принтер сертификатын табыстады.

Бұл — әрбір ұжымның мазмұнды еңбегінің, ұстаздардың кәсіби шеберлігі мен жаңашылдығының, жас ұрпаққа сапалы білім, саналы тәрбие беру жолындағы қажырлы ізденісінің жемісі. Сонымен қатар, оқушылардың жоғары жетістіктері мен ата-аналардың сенімі де бұл абыройлы атаққа негіз болды.

Осы марапат біздің гимназия үшін де зор мәртебе. Қалалық білім бөлімінің сыйға тартқан принтері – тек техникалық құрал ғана емес, оқушылардың сапалы білім алуына, мұғалімдердің шығармашылықпен жұмыс істеуіне, оқу үдерісін жаңа деңгейге көтеруге үлкен серпін беретін стимул. Бұл сый – ұжым еңбегіне берілген баға әрі болашақтағы биік белестерге жетелейтін сенімнің көрінісі.