Мұхтар Әуезовтің туғанына 125 жыл толу құрметіне арналған «Әлем таныған Әуезов» атты бірыңғай күн «Заманымыздың заңғар жазушысы» тақырыбында іс-шара өтті.

Шәкәрім атындағы көпбейінді №5 гимназияда 2022 жылғы 23 қыркүйек  күні  қазақтың ұлы жазушысы, қоғам қайраткері, ғұлама ғалым, Қазақстан ғылым академиясының академигі, филология ғылымдарының докторы, профессор, Қазақ КСР-нің еңбек сіңірген ғылым қайраткері  Мұхтар Әуезовтің туғанына 125 жыл толу құрметіне арналған «Әлем таныған Әуезов»  атты бірыңғай күн «Заманымыздың заңғар жазушысы» тақырыбына  өткізді.  Өткізілген іс-шараға 10,11-сынып оқушылары қатысты.
Мақсаты: Жазушы шығармалары арқылы қазақ халқының  ұлт ретінде қалыптасуына қосқан өлшеусіз еңбегін таныту, Абайтану ғылымына  қосқан үлесі жайлы, жазушы өмірінен үлгі ала отырып,  шығармашылық танымдарын толықтыру.
   Іс-шара қонағы -Абай музейінің ғылыми қызметкері Азамат Қажыбай жазушы өмірінен тың деректер,  М.Әуезовтің Абайтану ғылымының негізін қалаушы, «Абай жолы» роман-эпопеясының жазылу тарихына, кейіпкерлері жайлы ғылыми деректерді келтіре отырып, оқушылармен ой бөлісті.