2024 жылдың 11-12 қазан күндері Абай облысы білім басқармасының Семей қаласы білім бөлімінің "Шәкәрім атындағы көпбейінді №5 гимназиясы" коммуналдық мемлекеттік мекемесі өзінің ғасырлық тойын атап өтті.

▪️2024 жылдың 11-12 қазан күндері Абай облысы білім басқармасының Семей қаласы білім бөлімінің "Шәкәрім атындағы көпбейінді №5 гимназиясы" коммуналдық мемлекеттік мекемесі өзінің ғасырлық тойын атап өтті.

▪️Бұл шараға облыс, қала әкімінің орынбасарлары, білім бөлімінің қызметкерлері,   ардагер ұстаздар, мектеп түлектері қатысты.

▪️Мерекенің бірінші күні «Самғатқан сан қыранды Алтын ұям!» атты бағдарлама барысында Шәкәрім ескерткішіне гүл шоқтары қойылып, «Мектеп тарихы» мұражайының және «Әлихан Бөкейхан» атындағы Smart зертханасының ашылу салтанаты өтті.  Бұдан соң «Алаш мектебі және қазіргі білім беру кеңістігіндегі  өзекті мәселелер» тақырыбында Халықаралық ғылыми -тәжірибелік конференция жұмысы ұйымдастырылды.

▪️Конференцияның II бөлімінде 100 жылдық мерейтойымызға орай шыққан "Білімнің шежірелі ордасы" кітабының 2- томының тұсауын кесу мәртебесі мектебіміздің түлегі Музаффар Ахметсафаұлы мен ата-ана Шарипбаева Динараға берілді.

▪️Конференцияда Алиева Эльмира Максутовна,  Қазақстан Республикасы Білім Министрлігінің Ыбырай Алтынсарин атындағы Ұлттық білім академиясының аға ғылыми қызметкері, Қабышев Талғат Болатұлы, филология ғылымдарының кандитаты, Семей қаласының Шәкәрім атындағы мемлекеттік университеті, Нергис Бирай, профессор, доктор. Түркия мемлекеті Памуккале университеті түрік тілдері мен әдебиеті кафедрасының меңгерушісі, Сейсенова Алмагүл Дәулетқызы, филология ғылымдарының кандидаты, доцент, ҚР Оқу-ағарту министрлігінің Арнайы және инклюзивті білім беруді дамытудың Ұлтттық ғылыми-практикалық орталығының аға ғылыми қызметкері, Елдос Тоқтарбай,   жазушы, әдебиет сыншысы, алаштанушы ғалым, ҚР Үкіметінің "Дарын" мемлекеттік жастар сыйлығының лауреаты, Хетидже Диляра Кая, магистр.  Түркия мемлекеті Памуккале университеті, Орынгалиева Шолпан Оралгалиевна, PhD доктор. “Alikhan Bokeikhan University” ББМ, педагогика және психология кафедрасының доцент м.а., Әубәкір Қарлығаш Әділханқызы, PhD доктор, Семей қаласының Шәкәрім атындағы мемлекеттік университеті оқытушылары қатысып, тәжірибе алмасты.